يالواثق – راشد الماجد

يالواثق اللي قبلته تخطف ألباب
تملا العيون و تروي كبود و نفوس
تمشي والأرض تعد وتحسبلك حساب
وكلما إرتفع مرقاها يحلالك الدوس

سيرتك ترفع روس وتدسم أشناب
وكلمتك مثل السهم لا فارق القوس
ويمناك لا نعدمها كم عشت ذياب
وكم حجمت نفس نفش فيها طاووس

ما لوم فيك الريم و تلعات الأرقاب

وشوق العذارى اللي حواليهن حروس
وإنته جبل متشيد إركون واطناب
فارع مقام و اصله ثابت و مغروس

توقف شموخ وتمشي تتبعك الألقاب
تجلس مهابة وتلتفت صوبك الروس
قدرك سما وإن كان ممشاك لتراب
والحر قبل العين تنظر له نفوس