وردتين حمر – مساعد الرشيدي
جت في يدها وردتينٍ حمر
قبل الشفق والشمس محمره
النق نافر والسوالف خمر
والموت بين العنق والغره
والريح تاخذ من شعرها غمر
تلعب معاه شوي وتثره
ذاك الثليل اللي جمرني جمر
اللي بغيت اموت من حمره
قلت انورت كل الدروب السمر
والعيد جا يمشي على الجره
برق السنين ومجهمات وقمر
الليله ليله من ليالي العمر
واحلى ليالي العمر بالمره
قالت غيابك وانتظارك جمر
وابطت تعاتبني وتتشره
قلت ابشري والرمش يا مر أمر
يالول وجداني ويادره
واللي جمعنا يا انتظار العمر
ما اعود هالفرقا ولامره
حبٍٍ جديد – مساعد الرشيدي