هلا – عبدالعزيز الويس

هلا
جيت في وقتك حبيبي وقال قلبي هلأ
يا هلا باللي غمرني عشق وشوق و ملأ
قلبي حب ماعمري عشته
غير عن اي حب عرفته
حب فعلا جا في وقته
واخ لما بدا

زاد احساس السعادة لين قلبي روى
لايقين لبعض واحنا حيل احلى سوى
ياللي تحبني لذاتي
يا محليلي حياتي
وقلبي هد الدنيا كلها ولك حبيبي لجأ

وجودك بقربي مخلي الدنيا احلى كثير
كانت احبك كلمة عادية وصارت غير
ياللي حسنك جبر خاطر
انا لا يمكن اخاطر
واخسرك في يوم وهذا بحد ذاته خطأ

عشقك بقلبي مصنف اغلى عشق واهم
حب وكل حب عشته قبلك اتضح لي و هم
قلبي حاس وعقلي داري
ان هالمرة اختياري
صح وقلبي هذي اول مره احسه هدأ

يا موصلني في حبك مدري لاي مستوى
عدا حبنا العشق يمكن وعدى حتى الجوى
وكل هالحب مو كفاية
احنا تونا في البداية
ما انتهت بعد الحكايه وما خلصنا هوى

تعال وقرب مني اكثر دام مافي حدود
بيني وبينك ودام حبنا صار لا محدود
غمض عيونك وخلني
استحلك واستحلني
وهذا مو كافي حبيبي خلنا نعشق زود