هب الغلا – راشد الماجد

هب الغلا .. واحيا عروقي نسيمه
الله .. يا طيب الهبايب والانسام

وتنفست روحي .. ليالي قديمه
عادت بي الذكرى على مر الاعوام

خطت خيوط الشمس قصة عظيمه
مجد انكتب بالنور .. ماهو بالاقلام

وتلفت المجد .. وتخيّر زعيمه
كنه مُهر لمعزي .. بسرج وخطام

راس الفخر -عبدالعزيز – ونديمه
اللي بنى الدولة .. بقرآن وحسام

نهض بها من عقب ماهي هشيمه
ووحدها باحكام الشريعة والاسلام

واشرق سنا شمس الحياة الكريمه
واقبل نهار وودعت سود الايام

وفي ظل سلمان الحزم .. والعزيمه
نرسم على متن السما موضع اقدام

كفه سحاب .. وتالي الكف ديمه
والكف الاخرى .. للعدو سم وسقام

يمناه ابو سلمان .. هيبه وشيمه
طموحه الشمس ومهماته جسام

روح الامل .. موجٍ تعاظم لطيمه
في كل صفحة عز له بصمة ابهام

درع الوطن .. قلبه ذراه ونعيمه
وقت الرخا باني وفـ الشده حزام

حكيم لا قال .. وفعوله حكيمه
وفـ نظرته معنى لتحقيق الاحلام

صار الوطن نبض ومعاني عظيمه
عطر بها التاريخ .. صفحات الايام

ارواحنا .. في بيرقه .. مستهيمه
وفقلوبنا للمملكه .. عشق وهيام

راياتنا .. فوق المعالي .. مقيمه
وامجادنا ماضي وحاضر وقدام

0

2020