ما توفقت – نايف النايف

ما توفقت بصراحة يوم أعطيتك مساحة
داخل ضلوعي لأني بعدها ما شفت راحة
ما توفقت بغرامك يالي جارحني كلامك
من هويتك وأنا قلبي للألم فارد جناحه

الهوى قسمة و توافيق
ما هو بإيد المخاليق
وانت حبك زادني ضيق
وإمتلئ قلبي بجراحه

لو عرفتك قبل أحبك
كنت عمري ما أحبك
لأن قلبي يوم حبك
صار للأحزان ساحة

ما توفقت و خسارة يوم صدقت لقراره

قلبي من قرر يحبك كان فاشل في إختياره
غلطته صدّق وأخفق لما فكر إنه يعشق
شخص مابه شيء يفرق بين قلبه والحجارة

قسمتي إني ألاقيك
وأعشقك وأموت أنا فيك
واني في هالقلب أبنيك
وانت من سبب دماره

لو درى قلبي بالأقدار
كان ما حبك ولا صار
بس خيرة وربي اختار
وأنا راضي بإختياره