لو عالنِّسْيَان فمحدش فينا أكيد نَاسى
إحنا بنتهرب مش أكتر من سِيرِة بعض
علشان هيّبَان إن إحنا الاتنين بنْقَاسِى
وإن إحنا الاتنين مطلعناش قادرين ع البعد
بِنّعَاند روحنا ومش حاسين
بنمّوت بعض بقالنا سنين

أنا وقلبى أنا وقلبى فى بُعده بقينا فى متاهة
مبلحقش أنسى بفتكره مبلحقش أنسى بفتكره
بتوحشنى بتوحشنى ليالينا اللى عيشناها
حياتى أهى واقفة من بعده.. حياتى أهى واقفة من بعده

من يوم ما مشيت وأنا حاسس نفسى بقيت فاضى
لا فى رُوح جُوايا ولا حياتى بعديه ليها طعم
وإن كنت نسيت فأنا نسيت أنسى إنه حياتى
حُبنا عمره ما هيكون ماضى من باب العلم
إيه اللى كسبناه إحنا الاتنين بنحاول نثبت إيه ولمين