لعبة الأسرار – مزعل فرحان

حبيبي .. شرايك الليله معاك العب انا لعبه

اسمها لعبة الاسرار والمجهول والماضي

حلاوتها ببساطتها صراحتها بلا كذبه

نجاوب اسئله سهله واذا راضي انا راضي

انا ولا انت من يبدأ بكيفك زي ما تحبه

ولكن دون ما نزعل تجي مذنب واجي قاضي

حبيبي ودي ابدأ بك وحزني بصدرك اذبه

ابي ارتاح من همي واصالح نفسي واراضي

طفل فيني غفى وشال حمول وانهد من قلبه

لبس ثوب الظلام والنور عيا فدنيته ياضي

حبيبي بسألك بالله قلي والكذب خبه

حبيبي قبل انا اعرفك واحبك كان لك ماضي

واذا خايف تجاوبني بلاها بس من لعبه

مابي تزعل انا مني وتهل دموعك فياضي

واذا نفسك على هذا السؤال اجاوب وربه

خفوقي ماعرف غيرك وطن حاضر ولا ماضي

0

كلمات: خالد البوعينين

ألحان: مزعل فرحان

2011