فرق السما والارض بينك وبينه
عشقت انا فيك الزين والشين
بذمتك وش جاب عينك لعينه
مايوصلك حتى ولو حاول سنين

مجنون فيك .. وقلبي الله يعينه
على الدلع والصد يا كامل الزين
طبعي عنيد.. وكل البشر عارفينه
الا معاك انت لك اخضع والين


سكنت قلبي وصرت نبضه وحنينه
شوفك دوا يروي لي الروح والعين
انت الوحيد ان غبت اقول وينه
وأشتاق لك وأحتاج لك في كل حين

أحبك .. والوقت قربك يازينه
يا واحدٍ يفدونه كل المزايين
سويت لك.. في وسط عيني مدينه
ولك بالحشا امطار خير وبساتين