فرس فرس – حسين الجسمي

فَرَس فَرَس من حسنها الحسن انخَرس
تتزاحم قلوب البشر باقبالها
وقفة فرس مشية فرس لفتة فرس
من حقّها تغتر حيل بحالها

كم ساحرٍ في عيونها النجلا دَرس
وكم شاعر من حسنها غنّى لها
وأحلى الغواني قربها كنهن حَرَس
كنّ الحلا مخلوق فيها لحالها

كم قلب في دربٍ مشت فيه انغرس
يحلم تمرَّه لو بظل ظلالها
ما تلتفت حتى لطويلين المَرَس
مترفّعه ما كلْ من جا طالها

ياما احترست مْن الغرام وما احترس
قلبٍ تعلّق في طرف سلسالها
واللي غرس فيها المحبه بي غرس
حبٍ يفوق اللي في بالي وبالها

فَرَس فَرَس لو حاولها ميّة فرس
يوم الْمحتها العين قلبي شالها
في خافقي أسمع لخطوتها جرس
ويْرن في صدري صدى خلخالها

4+

كلمات: علي الخوار

ألحان: وليد الشامي

2016