فاكراني بحبها – محمد محي

مابحبش حد ..

فاكرانى بحبها

وانا مابحبش حد

يقولها مايهمش

سيبها فى وهمها

دى مبتملش

عايزنى احبها

عينى لو جت فى عينيها يا سلام

تعمل من النظرات اوهام

وانى بلاغى وبقول فى كلام

وانا ولا بقصد حتى سلام ..

واكتر من كدا لما تشوفنى

بتعمل نفسها قال تعرفنى

ولما بصدها تستلطفنى

انا مشوفتش كدا ..

خيبانة ونفسها حد يبربش

يشغل وقتها ويدردش

واهو من وقتها هى بتنكش

عايزانى احبها ..

وحبيبة قلبى انا اه لو تعرف

تعمل مشكلة مش هعرف

ولا مليون سنة هشرح واوصف

ايه ذنبى انا

عينى لو جت فى عينيها يا سلام

تعمل من النظرات اوهام

وانى بلاغى وبقول فى كلام

وانا ولا بقصد حتى سلام ..

واكتر من كدا لما تشوفنى

بتعمل نفسها قال تعرفنى

ولما بصدها تستلطفنى

انا مشوفتش كدا ..

لا بقى كدا بقت مستفزة

هى غاوية تضايقك وتبقى مستلذة

عيتك جت فى عينها مرة وفكرتك بتعاكسها

وناقص تقول انك عاوز تتجوزها ..

كل مرة تشوفها تبقى واقفة مبحلقة

وانت تبص الناحية التانية على طول تحلقلها

حد يقولها انها عاملة مشاكل

والحوار دا مبآش…آآآه

يقولو انك بتحبها .. مبحبش

روح بقى قولها .. ميهمش

بطلى بقى لوك لوك

واطلعى من دماغه

دا بيحب واحدة غيرك

وقلبه مش بتاعه

 

0

كلمات: اسامة الشاذلي

ألحان: رامي التالتي