غابت الشمس – وديع الصافي

غابت الشمس وبردت النسمات ولبست قميص الليل ضيعتنا
وحط الفلك ع جبالنا شالات وباتوا الطيور بسنديانتنا
واندرز خد السما شامات بيض متل زرار فلتنا
والندي سقسق ع الوردات الي فتحوا بحيطان حارتنا
وعرزال تحكيلوا الدني حكايات عن امجاد ارزتنا
يا ما ع دربو حامت فراشات ونجوم غطت ع سطيحتنا
ومنجيرة الراعي لها عنات مقطفي من نار نهدتنا
وساقية موجاتها مرايات قديش فرقت شعر حورتنا
وع كل حفة باقة بنيات قصت لهن فصاتين لوزتنا
يا ما عليهن جنت اللفتات وتنهدوا شبيبات حارتنا
يا اختي انشالله تنجلي الغيمات ومنلتقي من بعد فرقتنا
مشتاق للمعذور للرزقات للمصطبة لتنور قبوتنا
لدق الجرس للمخل للقيمات للعين لحكايات جارتنا
للراعية السمرا الي ورا العنزات للميجنا بفيات خيمتنا
للكنار الاصفر الريشا ت ينقر خصور كواز تينتنا
للمحدلة للسطح للخشبات للكاس يضحك ع سكملتنا
صلي معي يا حلوة الخيات تنعود يختي هموم حاجتنا
ما بيرجع لخيك هنا الغفوات تا الشمل يجمعنا بضيعتنا