عظيمة – اليسا

كنت دايما تحت ضغط
كنت دايما تحت رحمة حبي ليك
كنت مش بلاقيلي شط
كنت بغرق كل ما استنجدت بيك

كنت دايما حاسة جنبك بالهزيمة
لما ببقى وراك وما تشوفنيش عظيمة
اكتأبت كتير بسببك
وارتبكت ف عيشتي جنبك
وارتكبت ف حق نفسي معاك جريمة

كنت دايما جوه وهم
وكنت مستنية فرصة عشان أفوق
جهل مني ونقص فهم
حسن نية خلوا حالتي معاك تسوء

كنت دايما حاسة جنبك بالهزيمة
لما ببقى وراك وما تشوفنيش عظيمة
كنت فاكرة إن إنت عيلتي
بيتي والناس اللي حيلتي
والنهاية لقيتني عايشة معاك يتيمة

0

كلمات: Nader Abdallah

ألحان: Mohammed Rahim

إنتاج: Rotana

2020