و لو انضنيت و فنيت وعمري انفرط – صلاح جاهين

و لو انضنيت و فنيت وعمري انفرط مش عاوز الجأ للحلول الوســـــــــط و كمان شطط و جنون مانيش عــاوز يا مين يقول لي الصح فين والغلــــط عجبي

طال انتظاري للربيع يرجع – صلاح جاهين

طال انتظاري للربيع يرجــــــــــــــع و الجو يدفا و الزهور تطلــــــــــــع عاد الربيع عرمرم شبـــــــــــــــاب إيه اللي خلاني ابتديت افــــــــزع ؟ عجبي

يا عندليب ما تخافش من غنوتك – صلاح جاهين

يا عندليب ما تخافش من غنوتك قول شكوتك و احكي علي بلوتك الغنوه مش ح تموتك إنمــــــــــا كتم الغنا هو اللي ح يموتــــــــك عجبي

أنا قلت كلمة و كان لها معنيين – صلاح جاهين

أنا قلت كلمة و كان لها معنييـــــــــن كما بطن واحده و توأمين زي وشين لو دنيا شر.. التوأم الخير يمـــــــوت لو دنيا خير .. الشر ح يعيش مــنين عجبي

عيني رأت مولود على كتف أمه – صلاح جاهين

عيني رأت مولود على كتف أمـــــــــــه يصرخ تهنن فيه يصرخ تضــــــــــــمه يصرخ تقول يا بني ما تنطق كـــــــلام ده اللي ما يتكلمش يكتر همـــــــــــــه عجبي

بره القزاز كان غيم و أمطار و برق – صلاح جاهين

بره القزاز كان غيم و أمطار و بــــــــرق ما يهمنيش – أنا قلت – و لا عندي فرق غيرت رأيي بعد ساعة زمـــــــــــــــــان و كنت في الشارع .. و في الجزمة خرق عجبي

أنا اللي بالأمر المحال اغتوي – صلاح جاهين

أنا اللي بالأمر المحال اغتــــــــــــوي شفت القمر نطيت لفوق في الهـــــوا طلته ما طلتوش إيه انا يهمنـــــــــي و ليه .. ما دام بالنشوة قلبي ارتوي عجبي

منين أجيبها كلمه متألمة – صلاح جاهين

منين أجيبها كلمه متألمـــــــــــــــــة لعيبه فايره حايره و مصممــــــــــه منين اجيبها كلمه تكون بنـــت ارض تشفي اللي ما شافهوش كلام السمـا عجبي

كام اشتغلت يا نيل في نحت الصخور – صلاح جاهين

كام اشتغلت يا نيل في نحت الصخور مليون بئونه و الف مليون هاــــتور يا نيل أنا ابن حلال و من خلفتــــــك و ليه صعيبه علي بس الأمــــــــور عجبي

خوض معركتها زي جدك ما خاض – صلاح جاهين

خوض معركتها زي جدك ما خــــاض صالب و قالب شفتك بامتـــــــــــعاض هي كده…ما تنولش منها الأمـــــــل غير بعض صد ورد ووجاع مخاض عجبي

ولدي إليك بدل البالون ميت بالون – صلاح جاهين

ولدي إليك بدل البالون ميت بالــــــون انفخ وطرقع فيه علي كل لـــــــــــون عساك تشوف بعينك مصيرالرجــــــال المنفوخين في السترة و البنطلـــــون عجبي

ولدي نصحتك لما صوتي اتنبح – صلاح جاهين

ولدي نصحتك لما صوتي اتنبــــــــــــح ما تخفش من جني و لا من شبـــــــــح و ان هب فيك عفريت قتيل إسألـــــــــه ما دافعش ليه عن نفسه يوم ما اندبح عجبي

يأسك و صبرك بين إيديك و انت حر – صلاح جاهين

يأسك و صبرك بين إيديك و انت حر تيأس ما تيأس الحياه راح تــــــــمر أنا دقت مندا ومندا عجبي لقيــــــت الصبر مر و برضك اليـأس مـــــــر عجبي

حاسب من الاحزان و حاسب لها – صلاح جاهين

حاسب من الاحزان و حاســـــــب لها حاسب علي رقابيك من حبلـــــــــــها راح تنتهي و لابد راح تنتهــــــــــي مش انتهت أحزان من قبلهــــــــــا؟ عجبي

غمض عينيك و ارقص بخفة و دلع – صلاح جاهين

غمض عينيك و ارقص بخفة و دلع الدنيا هي الشابة و انت الــــــــجدع تشوف رشاقة خطوتك تعبــــــــدك لكن انت لو بصيت لرجليك ….تـقع عجبي

أوصيك يابني بالقمر و الزهور – صلاح جاهين

أوصيك يابني بالقمر و الزهـــــــــــــور أوصيك بليل القاهرة المسحـــــــــــــور و إن جيت في بالك .. إشتري عقد فل لأي سمرا.. وقبري إوعك تـــــــــزور عجبي

العشب طاطا للنسايم و نخ – صلاح جاهين

العشب طاطا للنسايم و نـــــــــــــــــــــخ أخضر طري مالهش في الحســـــــن أخ عصفور عبيط انا .. غاوي بهجه و غنا ح انزلهنا.. و انشا لله يهبرني فــــــــخ عجبي

لو فيه سلام في الأرض وطمان و أمن – صلاح جاهين

لو فيه سلام في الأرض وطمان و أمن لو كان مفيش و لا فقر و لا خوف جبن لو يملك الانسان مصير كل شـــــــــــئ انا كنت اجيب للدنيا ميت ألف ابــــــــــن عجبي