صفحة الماضي – رابح صقر

طوينا صفحة الماضي بدينا صادق الإحساس
وصرتي أجمل أحلام السنين وقصة إلهامي
أحبك يابعد كل الغلا وكل الملا والناس
ولا غيرك قمر يضوي ليال العمر قدامي

فداء عينك زمان فات من لوعة ومن هوجاس
ومن ضحكة سراب سافرت في بحر أوهامي
كذب كل الهوى قبلك ولا فاتن ولا مياس
أشوفك وأعرف إنك صدق معنى فرحة أيامي

هلا بك زاد حبك حب بلا حد ولا مقياس
أبسهر وأحرسك وإنتي على خد السما نامي
طبيعي تحرقي كل الشموس ولمعة الألماس
مدام النور بعروقك يشع ويضوي عتامي

أبسجد وأحمد اللي خصني باللي رفيعة ساس
لقيت بها نهايات الهموم وبلسم آلامي
إلهي طالبك تحفظ ملاكي الطاهر الحساس
من عيون الحسود ومن العذول وهرج لوامي

0

كلمات: نواف بن فيصل

ألحان: رابح صقر

إنتاج: روتانا

2003