سريت – فلاح المسردي

سريت ابدجا خرمس لجل خايعن ممطور
ولا حوله الا مرقد الذيب والحيه
واخذت اتهجرس بالمسا لين شاع النور
ليا جيت ابمسي كن فراس جنيه

افز بمنامي وشعم النار دون شعور
سبب واحدً مافيه رحمه وماويه
صحيبً خذاه الوقت عني وانا مجبور
ابرر عن جروحي بعد مادبل الكيه

غيابك بدون اعذار ياصاحبي معذور
لاكن الجفا ياصاحبي طال طاريه
اشوفك تمادا في غيابك سنه وشهور
وقول الله هالله بصبر وبانت النيه

علامك على الي في هوا غايتك مئمور
ياطب الجروح الي على القلب ماريه
انا بسئالك بالله ياضلعي المكسور
من الي زواك امن الغلا لعنبو حيه

ترفق على جوفً تلاوابك ومطيور
يانبع الهوا الغربي بعد ديمةً حيه
تغيب ومشاعر مهجتي ما تحب الجور
انا الي لاناح الورق جر الهجينيه

معاد اتحمل غيبتك والهوا مخطور
على العاشق الي خاطره ضاق موليه
احسب الليالي بغيبتك والزمان ايدور
وانا مع خيالك كل صبحً وعصريه

حياتي معك صارت مثل بندر ابن سرور
يذب الدروب الي تهول مساريه
على جمسً احمر سايقه صامل و منعور
ليامن سرا قدمك تضيع مواريه

انا اختم كلامي معك ياغايتي مشكور
على غيبتً طالت ولاهي بعاديه
تشح بوصالك وانت ماحولك اي قصور
وانا مواصلك والروح لجلك فداويه

كلمات: سعد البحيري

ألحان: فلاح المسردي

2021