دقيقه – صلاح الزدجالي

تكفى طلبتك روحي آنا طلبتك
إن كان ولا بد نتفارق .. دقيقة
دقيقة ما تاخذ كثير وقتك
فيها دمع صوتي يقول الحقيقة
وانا الذي عمري أبد ما سألتك
أسألك تنقذ روح يا هي غريقة
الروح تفقدني لو اني فقدتك
يرضيك روحي تطلع بهالطريقة

قلب بيفهم لك مثل ما فهمتك
وكف رقيقة فالمصاعب صديقة
ما اظن بتلاقي .. وانا اللي وهبتك
حب عهوده من قديم وثيقة
حضن حضنتك فيه صادق حضنتك

عسى حضن عيناك ماشي يعيقه
واحد بعد تسعين عذر .. عذرتك
وان خلصن .. لومت نفسي بضيقه

بيوصلك حكي على اني تركتك
وبيوصل لسمعي حكي ما اطيقه
بنرد بـ ابلغ شي .. صمتي وصمتك
وتبقى محبتنا بعيدة وعميقة
أحد تمنى بداخله لو هجرتك
وحد تمنى تشوف غيري رفيقة
ظني فظنك وافي من عرفتك
وظنك فظن الخود شمس الحقيقة