دامك معي – فتى رحيمه

دامك معي ماضن تهنا وترتاح .. بس النصيحة تبتعد عن دروبي

حرام قلبك يمتلي ضيم وجراح .. وش ذنب قلبك ينظلم من ذنوبي

انا معاشر بالعمر درب الاجراح .. لابس همومي والحزن مثل ثوبي

مثلك حرام يخالفة ركب الافراح .. مالك ومال معذبين القلوبي

وقف وحسب للخساير والارباح .. لاتندفع في طيشة الحب صوبي

مهما معك يروق بالي وينساح .. تبين من طريا المهاجر عيوبي

 

غلاة عيا من حشى الروح ينزاح .. كل المشاعر في يدين اللعوبي

بيديك بيرق سالب القلب لاطاح .. بعلن على مولك غرامة حروبي

 

0