like-empty

كلمات

klmat.com

sun

خطاف قلوب

الحب دق بابي .. من بعد الإكتئاب
أول صفحة ف كتابي .. تلميح ويادوب اعجاب
بس بجد النهارده .. على كل خد ورده
مانا كنت عايزه من ده .. وأفرح من غير حساب
مبسوطه ومش هاداري .. ولا أخبي الانبساط
غيرت خلاص قراري .. و حبيت الإرتباط
حبك ده اصله مغري .. ومحستوش من صغري
رجعلي الفرحه دوغري .. ميه وخمسين قيراط

خطاف قلوب قلبي ف ايديه
ماخدش غلوه ...
كله إلا عينيه يخرب بيتهم
نظراته حلوه ...
ده الراجل لما يكون شاري
بيطلًع إحساس إجباري
يتحدى العالم و الدنيا
لايخاف م الناس ولا بيداري

عارفين مشكلتي هيه .. إني جوه عنيه بتوه
محتاجه أرفع قضيه .. على كل اللي يشوفوه
علشان لا يبصوا بصه .. ولا أسيب لحد فرصه
لو أكون على بابه حارسه .. مش هايكلموه
فرحانه بيك وطايره .. مش لاقيه ليك كلام
حاسه إني جوه دايره .. متحاوطه بإهتمام
والروح بترد فيا .. وإيديك ماسكه ف اديا
ده بجد كتير عليا .. وغرقت ف الغرام
like-empty