حلوه وكذابه – وديع الصافي

حلوة وكذابة يا أغلى احبابي
والأكذب منك حضرة جنابي

قلبك للأحباب فاتح ميّة باب بيتدلل عالكل ما بيحسب حساب
بيضحك للبيطل بيقفل ع اللي غاب… ميّة بوابة
والأكذب منك حضرة جنابي

عينيكي الحلوين مثل الكذابين يا ما في عشّاق فيهن موعودين
احترقوا من الأشواق وغلطوا يا مساكين … حبوا كذابة
والأكذب منك حضرة جنابي

الأحباب تمنوا بحبك يستنوا وإنتي مشغولة وهني بيعنّوا
ودايما بتقولي يا احبابي جنوا … وطقوا عا حسابي
والأكذب منك حضرة جنابي

عندك قلب كذاب ما بعمرو اهتدى
شو ما حكي، شو ما عمل رايح سدى
بس مهما كذبت يا أغلى حبيب
قلبي أنا بالكذب ما بيرحم حدا

بتطلي طلة بتفلي فلة عرفتك وحياتك إنتي وعقلاتك
ساعة معقولة ساعة ترللي وحسبتي حسابي
والأكذب منك حضرة جنابي

قلتي لي جاي تحكي لي حكاية ما عدتي جيتي وين التهيتي
تاري كذباتك والله توصاية …من كعب الخابية
والأكذب منك حضرة جنابي