حسك وجودي – راشد الماجد

حِسّك وجودي وإنتي بالدنيا عندي
وإنتي في قلبي الأولى وإنتي الأخيرة
وهالحب لو ينشاف وآبوح سَدّي
شفتي من الإحساس ما يكفي ديرة

وْيا عايشة بقلبي أنا الود ودّي
روحي أقدّمها لعينك أسيرة
وإن راحت لْعيناك يا منهو قدّي
أشهد وْهذي الخيرة لا قالو خيرة

إحساس أرقى من الغرام
مو حُب عادي والسلام
الله يِعْلَم وشكثِر
شايل لك بقلبي كلام

كل شي بك ينحب .. طيب و تحدّي
هبية و شموخ و رُوح واشيا كثيرة
مدري وش اوصِف فيك ولاّ شَعَدّي
وْكلّك على بعضِك يا إنتي مثيرة

حَصّنتك بْقلبي واحاسيس وِدّي
بِسم اللي خالق زينك وْ نستخيره
زينك هذاك اللي إنخلق للتِفِدّي
أفداه أنا وْ يفداه غيري وغيره

إحساس أرقى من الغرام
مو حُب عادي والسلام
الله يِعْلَم وشكثِر
شايل لك بقلبي كلام

بك يا سَعَد عين ٍ تراك وْ ياسِعدي
وَجهِك صباحي العذب وإحساسي طيره
وش قَد أحبّك .. مدري بس إنتي عِدّي
حُبّك فضا وْ يجري في دمّي أثيره

كل حاجة منّك حلوة ع القلب عندي
حتى التفاصيل البسيطة كبيرة
إلاّ غيابك يقلِب الفرحة ضدّي
ويْخلّي هالدنيا في عيني صغيرة

إحساس أرقى من الغرام
مو حُب عادي والسلام
الله يِعْلَم وشكثِر
شايل لك بقلبي كلام

كلمات: أنور المشيري

ألحان: فهد الناصر

إنتاج: روتانا

2021