تـروّي يا حـسـن منـظور .. تـروّي يا ملاك الزين

تـروّي كـود عـينـي .. تـلتمس منك حـنيّه

شوصفك لو بغيت اذكـر .. مـحاسنك انعدم بك شين

وأخاف انّك تصر في وصفي .. لو قلت حوريّه

نـقـضتـي حـال المـجدول .. عـلى عارض المـتـنيـن

وشفـشف هـوى روحـي .. عـلى فركـة إيديّه


كـتبت القصيـدة نـاوي .. أعـنّيـك أنا بـسـطـريـن

سجـى الفكـر بالمـعنـى .. ولـك تـمّت النيّه

أنـا وين جـابـتـنـي المقادير .. وانـتـي ويـن

تـولّـعـتـي الـلـه لا تـزيد الـولـع فـيّـه

وداعك .. عـمر حـي .. خـذيـتيـه بـطـرف العيـن

معك حي .. وإلا غبتـي يمـوت بعرب حيّه