اليوم اريد انهي العشك واليوم اتوب
بعد ميروح القلب يم بيتك
اليوم احط شوك على قلبي ويه الجروح
اليوم اعاقب قلبي جي حبيتك

انت تذكر فوك صدري شكد بجيت
شماتصير بعيد بعيد عني شمامشيت
تيهت نفسك عليه شفتك واجيت
نقطة سوده بضلمه واندليتك


جنت احبك شلتك بقلبي الجبير
جان حبك للسما يوديني
اني احبك انت تضحك كلي ليش
من تشوف الدمعه تجرح عيني

شوف قلبي شصار بي من الغرام
لمن احجي دموع تطلع بالكلام
بعد كلمه وياك ما احجي حرام
غير ازاعل روحي لو حاجيت