النجمه مالت ع القمر – عبدالحليم حافظ
النجمة مالت ع القمرفوق في العلالي
قالت له شايفة يا قمر أفراح قبالي
قال القمر بينا نسهر على المينا
دا النور على شط القنال سهران يلالي
شاف القمر ع الضفتين زفة وزينة
قال دا السلام فارد جناحه على المدينة
واللي تحلى المحبة والغنا
واوعوا تخلوا في أرضكم دمعة حزينة
قال القمر بينا نسهر على المينا
دا النور على شط القنال سهران يلالي
النجمة مالت ع القمرفوق في العلالي
قولوا لدموع الفرح تروي كل وردة
خلوا الأمل يبقى تملي شمعة قايدة
حيوا اللي قال نفتح لأحبابنا القنال
وخلوا بكرة يبقى أحلى م النهاردة
قال القمر بينا نسهر على المينا
دا النور على شط القنال سهران يلالي
النجمة مالت ع القمرفوق في العلالي
كلمات: محسن الخياط
ألحان: محمد الموجي
الجمال هو والخيال – عبدالحليم حافظ