أزعل على الأحلام وإلا على الأقدار
وإلا على الأيام الماضية بدونه
وإلا على وجهه في صفحة التذكار
والفرحه في عيني لاشفتها عيونه

فيني تعب ياناس .. فيني هموم كثار
فيني وله عاقل .. واحساس مجنونه
والدمع في عيني .. مايحفظ الأسرار
فاضحني عند الله .. وعباده وكونه


لو كان بيديني طبعاً انا بختار
اني اعيشه حب واتلوّن بلونه
واعطيه انا قلبي والله ولا بحتار
واحطه بعيني وفعيني يقرونه

لكن مدام الله .. قدّرلي اللي صار
بمسح على قلبي .. وكان الله في عونه
وآخر طلب عندي .. ياحضرة الأقدار
ودي اعرف الحين .. حبيبي وشلونه