ابرك الساعات عندي .. يوم اشوفك
وأحلى لحظات العمر .. يومك تجيني
واشعر انك يوم .. تتحدى ظروفك
كنك اتفتح .. على الأحلام .. عيني

معك ماخذني .. برغم إحساس خوفك
ومعك اسافر .. من حنينك لـ حنيني
وكل ماحطيت .. بكفوفي كفوفك
اشعر اني مالك الدنيا .. بيديني


أنا وإحساسي وقلبي .. من ضيوفك
والحياة ابطولها .. بينك وبيني
من يقول اني .. املّك أو اعوفك
وأنت قبل اعيش فيك .. تعيش فيني

ما أحد مثلك .. ونادر في وصوفك
ومنكتب حبك .. على صفحة جبيني
وكل ماتحكي لي .. تطربني حروفك
لين احلوت .. مع سنينك سنيني
كيف ابــ جازيك .. و ارد امعروفك
يوم ماغيرك .. ملا قلبي .. وعيني