ياحبيبي ترا القلب بعدك سرح
وانجرح جرح ماشفت مثله جريح
المحبّه تجرّ المواليف جرّ
الشجر وأنت الأرواح جرّيتها

أنت سبّة جروحي اللي جت وارهجت
رجّت العمر وإن جيت اباقوم واطيح
ساقني سمّ من طعم سمسم نسم
وانقسم نصف قلبي وناديتها

قلت ياناعس الطرف وش ذا الجفا
ماصفا الجوّ حتى معك نستريح
قال من جرّب الحب يلقى الشقاء
مابقى غير رجلك وعنّيتها

قلت من شافكم ياسمي البحر
انتحر و ارخص الروح علمٍ صريح

صابرٍ مثل صبر الجمل للحمل
ليت الأقدام سارت وسرّيتها

قال يا مرحبا دقّ راس الجرس
والحرس لا تسولف بعلم فضيح
أحفظ الراس بلباس والناس
لاتطّلع رحمةٍ فيك سوّيتها

ياحبيبي ترا القلب بعدك سرح
وانجرح جرح ماشفت مثله جريح
المحبّه تجرّ المواليف جرّ
الشجر وأنت الأرواح جرّيتها

قلت ياسيّد البيض يا ابيض غضيض
الحظيظ الذي عاشرك مامليح
عشرتك تنشري بالذهب ياذهب
ذا وذا ذابت الكبد واوذيتها