يا دارة العلالي – فيروز
للعرس للحب للعز للدار
يا دار يا دارنا حن الهوا فيكي
يا معودة عالوفا الله يعافيكي
بطلب تضلك سعيدة معززة يا دار
وبوابك مشرّعة والحب راعيكي
يا دارة العلالي يا مسوّرة بالغضب
ع جبهة الليالي إسمك ضوي و إنكتب
يا بنية العل الفرس ومشنشلة بالحلى
ينده عليكي الحرس لا تجرحي بالحلا
ناطورنا اللي غدي عالكرم قبل الندي
قلبه حكي ع الهوى وإهتز نهر القصب
يا دارة العلالي ..
يا مزنّرة بالخطر صوب السما تلفّتي
ع بيادرك و الشجر يربى هدير الشتي
أهل الوفا ميلوا ع بيوتك اللي علوا
يا خصر دايب غوى تحت الحكي والعتب
يا دارة العلالي ..
من فوق راس الجبل طلوا وعيدوا حدى
شعر الصبية إنجدل راية عا وجه المدى
طاب الرنين وغلي وصوت البشاير علي
واللي إنكتب عالمجد بكل سيف إنكتب
يا دارة العلالي ..
لا يوجد تعليقات حالياً