وبنجبر روحنا نروح للخوف
علشان أوقات بنحب نخاف
في سباق لهروبنا من المكتوب
بس المكتوب لازم يتشاف
نفضل عكس التيار ماشيين
وبنقنع روحنا اننا عايشين
فاكرين الجاي زي امبارح
فاكرين الدنيا بلون شفاف
كاتبين برصاص هنعيش على طول
وأتاري الموت مكتوب بالجاف
كاتبين برصاص هنعيش على طول
وأتاري الموت مكتوب بالجاف

واياك تلوم
حد جاي يغرقك علشان يعوم
أول ما ريحة الخوف تفوح
الروح مفيش بعديها روح
قلبك قصاد الموت حجر
ملهوش لزوم


لو عوزت بجد تشوف الناس
لازم قلبك يبقى له عيون
العين أكثر مخلوق كداب
والعالم كل شوية بلون
احنا وشوش على وش الدنيا
في ورا الحكايات حكايات تانية
وقصاد لحظة يا نعيش يا نموت
هتشوف موسي بيطلع فرعون
والي انت مأمنه لو اتخير
بينك وما بينه أكيد هيخون
والي انت مأمنه لو اتخير
بينك وما بينه أكيد هيخون

واياك تلوم
حد جاي يغرقك علشان يعوم
أول ما ريحة الخوف تفوح
الروح مفيش بعديها روح
قلبك قصاد الموت حجر
ملهوش لزوم