محتار وحبك جنني وصاير مثل الهذا

عندي حبايب لكن بيه ما يحس ذاك وهذا

يا محبوبي ونور عيوني اسأل ترضى بهذا

متيم هايم قلبي وسارح يمتى تحس بهذا

ليش انته تحب تسهرني وليش الموقف هذا

تسلب عقلي وتبعد عني شنهو قرارك هذا

صدقني وحياة عيونك اني لوما هذا

خليتك تمشي وتتلفت مثل الفاقد هذا

اسأل هذي واسأل ذاك واسأل هذا وهذا

وين اللي صار مفارقني ليل ويوم وهذا

يا اللي تريد تلوم اسمعني واسمع مني هذا

جنيت من سنين واكثر لوما براسي هذا

مفارقني وما تعرف قلبي شكد صابر على هذا

تسلب قلبي وما عاتبتك واسمع مني هذا

بركان بقلبي ومن ازعل احرق هذا وهذا

واحرق كلمن يوقف ضدي وما استثني هذا

قالولي نيران بدربك واحذر تعبر هذا

لوما تحرق شي بجسمك يمكن تحرق هذا

قلتلهم وحياة الهذا و داعت هذا وهذا

ل عبر صوب الغالي واحضنه وابوس هذا وهذا

مو معقوله اللي حبيته حب ما يضاهي هذا

ينكر حبي وينسى ايام البيهن شفت الهذا

قيس و ليلى و روميو وهذا وهذا وهذا

ما حبوا مثلي ولاعانوا وسلمت أمري لهذا