موعود الك هذا اليوم .. انا الوديعه بحماك
شيل العلم يا جيدوم .. بكفالتك جيت اوياك
وین الي شایل بیده .. رایة نصر لعضیده
ابصوت الهضم نادینه .. حرگو خیمنه اعلینه

لو تستمع یا عباس .. عوف النهر وافزعلي
طبّت عله الخیمه الناس .. محد فزع من اهلي
حرگو خیمنه الأرجاس .. طرف الخیم خویه انداس
بالگّوه صارت لأنفاس .. یاابالفضل لحگلي

یل انصبتلي أخیامي .. وگتلي الضعن بي حامي
حامي الضعینه وینه .. حرگو خیمنه اعلینه
یا شبل ابوي الصیهود .. یحزامي یوم العازه
گلبي احترگ یا ابوالزود .. گلبي یحن لعزازه

عوف العلم عوف الجود .. عوف السهم والعامود
صوب الخیم ریت اتعود .. ویّایه دهري اتوازه
نار الخیم مستعره .. کلها ترید النظره
صدني الغریب ابعینه .. حرگو خیمنه اعلینه

کل معضله والها اچفوف .. لابد تجي واتحلها

آنه ادري صاحب معروف .. واحمولي تفزع الها
گوم انهض وانته اتشوف .. چتّالک اگبالي ایطوف
ماخذني یا خویه الخوف .. الخیمه شیعدّلها

وین انته یاابوالشیمه .. بیدک تطفي الخیمه
أمحرّگات ایدینه .. حرگو خیمنه اعلینه
کلها اتعرف یاجیدوم .. آنه اختک المحشومه
هسه اطلعت بین الگوم .. یاابالفضل مذمومه

جر سیفک وانهض گوم .. خلّي الرگب کلها ادموم
موعود الک هذه الیوم .. کلمن یموت ابیومه
آنه ادري ما ترضاها .. هالوادم امشي اویاها
بین الخلگ ضلّینه .. حرگو خیمنه اعلینه

ما ظني تقبلّي ابهاي .. ارکب هزیل الناگه
عوف النهر عوف الماي .. بس لحظه خل نتلاگه
محتاجه کفّالي اویاي .. بالحر یسویلي افیاي
بچفوفه یلزم یمناي .. صعبه علیه افراگه
لا ترضه یاابوالغیره .. زینب تروح ایسیره
بالحومه عالو بینه .. حرگو خیمنه اعلینه