ما مل قلبك من زعلنا الى الحين
بنموت و احنا ما عرفنا السعاده
حرام يعني بالرضا نعيش يومين
و الا انت شاطر في الزعل و النكاده
عطيتك ايامي مع القلب و العين
و خليت لك حضني حبيبي وساده
ماشي معك ما قد سألتك على وين
مالي معك قوه ولا لي اراده


حبك في قلبي يا حبيبي له سنين
و بُـعدك ترى ما نقّص الحب زاده
تبي الصراحه اثنينا جد مخطين
كل واحدٍ فينا مُصر بعناده
ترى الزعل وارد مابين المحبين
بس الزعل هالمره طول زياده
زعلت لك كم يوم طيب و بعدين
ارجع قبل لا يصير هالبعد عاده