ليل والشارع ظلام واني مو كادر انام
كل مكان الي بي حضنتك جاي ادورك
والكمر هم حاس بيه لان ضل يبجي عليه
شافني شكد جاي احن الك بس اذكرك

يالوجودك جان بالنسبة اليه
راحتي وروحي وحياتي وكلشي بيه
يالغيابك شي مثل وكعة قوية
واقوة من الموت عندي وهاي هيه
ما راح اكلك الشوكَ كد هذا الهوا لا شوكَي اكثر
اتخيل حبيبي لو صدفة مر اسمك احس قلبي ايتكسر
ليل والشارع ظلام واني مو كادر انام
كل مكان الي بي حضنتك جاي ادورك

الصورتك اشكي الغياب واشكي الها شكد عذاب
صورة اتخيلها انت انتظر ردك
لو تجي بحضني تفوت لو وربك هسة اموت
اني مابيه اكمل لحظة بعدك

دموعي تنزل والغياب شسوه بيه
والله لو ميت ولا بعدك عليه
روحي طلعت بعد ما احمل اذية

مستعد انطي حياتي و رد اليه
ما راح اكلك الشوكَ كد هذا الهوا لا شوكَي اكثر
اتخيل حبيبي لو صدفة مر اسمك احس قلبي يتكسر

ليل والشارع ظلام واني مو كادر انام
كل مكان الي بي حضنتك جاي ادورك

بين هاي الناس افوت كلها تضحك واني اموت
حتى روحي الي بيها عايش جاي املها
غياب وجهك حيل ذلني من السما للكاع ذبني
جنت اعلى الناس اني وصرت اقلها

كلشي ميت هوا الدنيا بلا عطرك
يخنك هوايه من اشمه اني واذكرك
كل كلامي ما يوصف هذا حالي
اقوه شي يوجع حبيبي غياب حالي

ما راح اكلك الشوك كد هذا الهوا لا شوقي اكثر
اتخيل حبيبي لو صدفة مر اسمك احس قلبي ايتكسر

ليل والشارع ظلام واني مو كادر انام
كل مكان الي بي حضنتك جاي ادورك