هب نسناس الهوى واشعلت ناري
الشتاء والليل والنار وسناها
رافقتني بعد ماطال انتظاري
وعلمتني قصة الحب وغلاها

ياهبوب الشوق وانسام الذواري
كيف ازعلها ونا همي رضاها
صرت اداريها ونا ماني بداري
وش بلاها وش بلاها وش بلاها

معركة حبك مثل ‏ذات الصواري
حرب ماترحم ليا دارت رحاها
المحبه ماهي بوضع اختياري
دورة الأيام ماتكشف خفاها


مالها منفذ ولا مخرج طواري
مبتداها يختلف عن منتهاها
تعزلك وتحط لك عازل حراري
في ضلوع الصدر وتشيد بناها

ماتشيل حمولها سفن الصحاري
وسرها مايعرف البير وغطاها
تسمع العشاق بالصوت الجهاري
يرفعون الصوت ويردد صداها

كلمة احبك لها كاتب وقاري
قبل يكتبها يعرف اللي قراها
عاشقٍ في سكرة الحب انتحاري
يخسر الدنيا ولا يخسر غلاها