يا نور عيني طير هجرك ناح
مافيه غيرك قد ملا عيني

غايب وانا بعدك كسير جناح
ماعاد تنقلني جناحيني

بُعدك ذبح مغليك دون سلاح
وابوي في حبّك موصيني

مات الأمل والشوق ملّ وراح
منهو على فقده يعزّيني

لو طاح دمعي خافقي ما طاح
العز يجري في شراييني

ضد الهوا العاتي لبست وشاح
لا حافني بردك يدفيني

مابين راس المال والارباح
حسبتها في راحة ايديني


وانا عزيز ماهو بمرتاح
ماعاد ابي العالم تواسيني

كحل العيون بدمعتينك ساح
وانا المقفّي دينه وديني

صدفتك وشفتك وسدّي باح
وانت العلاج اللّي يهدّيني

ليلك عن الصبح البهيج انزاح
وانا سهرتك يامعنّيني

برق المحبّه في جبينك لاح
ليت المطر لا هلّ يسقيني

خمريّتك فاحت وعطرك فاح
شفت المسافه بينك وبيني

واصبحت طير يعشق الملواح
اشفق على صوتٍ يناديني