لو مرة بس
تغفي بروحي المتعبة
لو مرة بس
يرتاح الي بارضك غفى
لو مرة بس
ترتاحي من بطش العِدا
لو مرة بس
نفداكي باغلى ممتلك

كنتي ولا زلتي انا
يا غزتي يا قمرتي
نالوا من ضلوعك وانا
ابقى ارثى الحزن اللي بخاطري
يمكن اذا غالي الدمع
ترخص لك الروح التي
فاضت عذاب جرحك
و طال بظلمه ليكي المعتدي

يا دمع انا بعيني رَفح
يُمه الدمع لما نَزح
طل الضحى بطلة شهيد
حتى الفرح كربه جرح
لما الحزن بالعشق يجوز
كيف الحزن بأغلى الوطن

يا غزة انا بروحي معاكي
و لو بلاكي الدنيا جنة
ما انوجع بحرك يا روح الروح
انوجعنا احنا

نسقط ان سقطت ولن تسقط
لا ولن نسقط مادمنا
باقون صباً كنهر الغيظ

مبشع الدموع
لما العجز يكون
نصيب و سكوت
يحتل كل حواسك .. و هموم
مستني الدفى لكن هاي نار بتحرق البيوت
تخطف منك مستقبلك امك و ابوك
و كل البتحبهم و بيحبوك

ما سألوك
مش ذنبك بفهمك هيك مخلوق
لونك مخطوف
قدر محتوم
مستني الحرب تقوم
شايل هم انك ما تقوم
بس قوم وانا اخوك

يا غزة انا بروحي معاكي
و لو بلاكي الدنيا جنة
ما انوجع بحرك يا روح الروح
انوجعنا احنا
نسقط ان سقطت ولن تسقط
لا ولن نسقط مادمنا
باقون صباً كنهر الغيظ