قلبي سعيد وياك ياحياتي
فرحان فرحة قلب اتهنّى
أيوه اتهنى بيوم العيد
حبك خلّى الكون بعينيّا
أجمل عالم من حواليّا
كله جديد في جديد
أول مرة أشوف الدنيا .. دنيا كبيرة ومش سايعاني
أول مرة لقيت عمري .. طعم ومعنى جميل إنساني
أول مرة لما أجي أتكلم .. ألقى كلامي كأنه أماني
أول مرة أحس بإني .. بعد الحب بقيت شيء تاني
عندي شعور وردة ترقص بالأغصان
حاسة بنشوة عصفور غنى له الكروان
آه لو تعرف بس يا غالي .. إنت بقيت إيه بالنسبة لي

روحي .. عقلي .. قلبي .. آمالي
إنت المنى من غير تحديد
حبك جالي في وقته يا روحي .. جالي في وقته تمام
جالي ملاني سعادة ماشفتش .. زيها كده ولا في الأحلام
ليه نتصوّر إن هنايَ كله وصف بأحلى معاني
ولا يصدق لما أقول له إن زماني زمانه التاني
للدرجه دي هواك غيّرني .. للدرجه دي الهوى خلاني
روح شفافة ونظرة مالهاش غير الحب أماني
عايز الحب لكل العالم ويهنيه زي ماهناني
كل الناس سوى يبقوا حبايب
ولافيش حب يعيش وحداني
يفضل نور الحب علينا ليل ونهار
هناء وسرور يزيدونا مودة بإستمرار