قل اهتمامك بالفعل من علقتني بيك
روح الله لا ينطيك وبشرك يجازيك
وكون ربي باللي عشته آني يخليك
قل الغرام بداخلك من شفت حبيتك
وبالقلب خليتك وبعيوني ضميتك
وين تلقى انسان مثلي بروحه يفديك

خلاص خلاص كلشي انكشف
وانكسر قلبي للاسف
حبك الي حيل اختلف
من شفت حبيتك
بعد بعد ضاع العشق
وصار لازم نفترق
تريد من عندي الصدك

غلطة واختاريتك
ما اريد كل حبك بعد
ما شفت اي راحة أبد
انساك من عندي وعد
وما تجي مره ابالي
تغلط وأبرر لشوكت
أرتاح وانسى قررت
بس القهر منك شفت
ما تسوى كلمة غالي


ماحسبت منك تجي حاسبها من غيرك
كثر الله خيرك من زاد تقصيرك
قررت آنا انسحب من شرك وخيرك
غلطة وبعد ماكررك يالجنت أعز ناسي
يالجارح احساسي بتقصيرك القاسي
من عيني نازل للأسف وانتهى تقديرك

حبك إلي ما بي نفع
ناسيك آني ومقتنع
لو تشعل العشرة شمع
صدقني مايفيدك
أبد أبد لا ماكو حل
يالجنت منك ما أمل
مو قصة إحساس وزعل
بس قلبي مايريدك

متصور ارجعلك وهم
ناسيك واقع مو حلم
ماشفت بعيونك ندم
وهانت عليك العشرة
كل ظنك اشتاق وأحن
وعيوني بفراقك بجن
لا جذب القلك حزن
آني اسمك ما اذكره