العريس وصل العريس وصل
الف مبروك ياعريس

النهاردة فرحي
والليلة ليلتي
واليوم ده يومي
والعيلة عيلتي

والعيلتين اخوات مش عايزين خناقات
وانا واخواتي حواليا
ومش عايزين اشاعات
عارفين النهاردة ايه
فرحي فرحي

ثواني ثواني
فوق دماغي ياخواتي
أنا عايز اخواتي مستشفي المجانين يجو معايا هنا
كله مكتوب في الكراسة الصفرة
أنا جاملت كتير وجه وقت التقدير
مش عايز حد واقف عايز كله يطير
يالا نولع فيها شوف مين هيطفيها
عندي اخوات مجانين بنولعها حريقة
فرحي فرحي

ثانية واحدة ثانية واحدة
ثانية واحدة ياجماعة هقول كلمة لعروستي
أنا مبقتش مصدق حلمي أنا وانتي أتحقق
وخلاص بقينا لبعض واللي مكنش مصدق صدق

أنا بحب حماتي عشان جابت حياتي
واغلى حاجة عندي خلاص هتبقي مراتي
عارفة النهاردة ايه
فرحي فرحي

ياجدعان
ياجدعان ثانية واحدة ياجدعان
البدلة هتتقطع ياجدعان
عايزكو ترقاصوني من غير ماتبهدلوني
عايزكو ترقاصوني عايزكو تهشكوني
فرحوني هشكوني دلعوني رقاصوني
اصل النهاردة ايه
فرحي فرحي

التحية باسم العريس
التحية باسم العروسة
التحية باسم اخوات العريس
التحية باسم اخوات العروسة
التحية لحمايا التحية لحماتي
التحية باسم صحابي واخواتي
التحية للقاعة التحية للبوفية
التحية باسم الجاتوه
التحية باسم بتاع الفديو
التحية باسم المأذون
التحية باسم بتاع الد جي
التحية باسم الفرقة الموسيقية
بس إوعى تنسى تشغل الاغنية
فرحي فرحي