ياصباح الخير ياخير الصباح اللي اريده
ويامساء الورد يا اغلى ماجينته من ورودي
كل صبح يبتدي في شوفتك فرصه سعيده
وكل يوم منت حاضر فيه جعله مايعودي

غن لي يا عنفوان العشق بأوتارٍ فريده
من قبل تكثر مغاتيري علي وتقل سودي
الله اكبر لا سرحت و سج راسي في قصيده
من لطافة غرو بدوٍ فاتنٍ دمه سعودي

الثرا و المال و إسمي لا قريته في الجريده
زينة اهل الأرض لكن ما تأثر في جمودي
الهوى ينهال في الخفاق و يلين حديده
وا عذابي من هنوفٍ عشقها حرك ركودي


الغلا يختال في نبض الفواد وفي وريده
اشهد انه تل قلبي حبها واحكم قيودي
والوفاء لو طال عمره حافظه عندي وازيده
تستحق اسما الوفا واغلى مضامين العهودي

كل حرف اكتبه في وصفها جمله مفيده
فاتنه سحر البيان الملهمه واصدق وعودي
ياشبيه البدر ولا مثل جيد الريم جيده
حسنك ابلغ من تواصيفي ومن نقصي وزودي

باهيه يزهى بها تاج الجمال وسيد سيده
يابعد من حل في روض الحشاء حلي وجودي
الموده ساقها لك عاشقك في راحه ايده
استحلي صادق افكاري ودعوه في سجودي