العيد زان وصار للقلب عيدين .. من يوم صار العيد عند الجماعة
الجمعة اللي تنشرى بالملاين .. يازينها زيناه لو نص ساعة

يا ما احلى شوف الرجال العزيزين .. عقب انشغال وعقب طول انقطاعه
لو كان عبنا عنهم شهور وسنين .. نحفظ غلاهم مثل حفظ الوداعة

من قال بان العيد عيد الوراعين .. هدي الرسول اللي علينا اتباعه
فيد التواصل واجتماع البعيدين .. شمل عقب فرى يزين اجتماعه


فيه التسامح والرضى بين الادنين .. والكره من قلبك يحين انتزاعه
عقب شهر مربوطه به الشياطين .. قضوه كل الناس صوم وطاعة

وفيع النفوس تطيب وتلين وتزين .. وكل بفعل الطيب ينفذ ذراعه
وساد الفرح والطيب ما بيننا البين .. وتلقى الفرح في كل قاعة

هذي هي الدنيا وهذا هو الدين .. جمعة محبة غير فرقى القطاعة
تلقى يصير العيد لا جيت عيدين .. لا صار عيدك عند عيد الجماعة