عندي يقين بنلقى مخرج
ومتفائل وادري انها بتفرج
وناطر ذاك اليوم المبهج
الي الكل منتظره يحين

وارجع واتلاقى باحبابي
الي عليهم طال غيابي
مشتاق لناسي وأصحابي
الي من قلبي قريبين

ناطر لحظة ما تلاقى
بدروب الوطن وباسواقه
يا كثر الناس المشتاقه
اي يا بلادي مشتاقين

يعني بنرجع احسن واقوى
ونرد اللحظات الحلوه

ونرجع نشرب نفس القهوه
الي عليها متعودين

لكن اكثر شي مسبب فيني فراغ كبير
فاقد قربك مني و وصلك و فاقد اشيا كثير
وادري تفكر فيني لاني مابطل تفكير
بس احساسي يقول اتطمن مافي الا الخير

بترد ضحكتنا المعهوده
ولمتنا الحلوه المفقوده
وكل الابواب المسدوده
بتفتح وماردها تزين

بكره بنرجع احسن واقوى
ونرد اللحظات الحلوه
ونرجع نشرب نفس القهوه
الي عليها متعودين