ان كان تنشد عن علامات حبي
ومن وين تبدا بي ونهاياتها وين
تطيح من عيني ولكن لقلبي
ونبضه إذا أقبلت ردّك الى العين

ما اقول انا أشتاق لك وانت جنبي
قد قيل هذا ألف مرة وألفين
أنا وانا حاضِنْك شوقي فتَكْ بي
وشلون اذا أبعدت واشقاني البين


يسبقني لاصغر ميزةٍ فيك دربي
مابالك بمُجمَلْك يا كامل الزين
في سلهمة عينك هلاكي وطبي
ولملحمة زينك غدا الخلق تدوين

لك صفوي وغيمي وسلمي وحربي
ولي بال مُثْقَل بين حجّة وتخمين
وشلون تنشد عن علامات حبي
وانت اْمسي وباكر وبعْدَه وهلحين