أنا أنا من الثلاث جالس
وهي لوحدها جالسه
وعقارب الساعه تلف

تلف تلف لين وصلت للخامسه
قولي لي شي قلبي احترق
ردي علي عقلي انسرق

قلت اسمعيها بكل وضوح
من قبل ما تروحي واروح
لو تجلسي لبكره المساء

جالس أنا طول مانتي جالسه

ناظرتها بنظره توصف حالتي
واخاف انها تضايقت من نظرتي

راحت مشت فوضى المكان من بعدها
راحت بعيد ومدري وش اللي ردها
يافرحتي يوم رجعت تبسم الحظ من جديد

الله يا محلى اللقاء من مثلي الليلة سعيد
توني بفز لصوبها وأبيّن اعجابي بها
ردت علي برفضها اه يا قساوة قلبها

عنيده وليتها تدري انا مشكلتي عنادي
احس باحساس مو عادي
يحلها ربك الهادي