عشان دارفور – شعبان عبدالرحيم
عشان دارفور هغني .. وحدة السودان
ملكومش دعوه بيها .. وكفايه امريكان
مهو في سلام افريقي .. موجود بقالو شهور
الف وسبعميه وسته .. عشان يدخلو دارفور
دارفور اكلين كبير .. خمس مساحة السودان
والظاهر انه عاجب .. الساده الأمريكان
موضوع بسيط وعادي .. مابين رعاه وزراع
اتحل خلاص ما بينهم .. من غير قلق وصداع
مواضيع تتحل ودي .. من غير لمه وكراسي
عشان ليهم مصالح .. عملوه نزاع سياسي
الناس بحالها فاكره .. في ازمه في السودان
وده كله عشان يخوشو .. ويبقى ليهم مكان
الأمر في عيله واحده .. وبسيط من كل جانب
يتحل في قعده ودي .. ميكونش فيه اجانب
مشكوره مصر دايما .. ليها وقفه في كل ازمه
مش عايزه غريب مابينا .. ولا حد ملوش لازمه
الوحده في السودان .. والحب يهمنا
عشان مفيش جبان .. يهدد امننا
الوطن العربي كله .. والناس في كل مكان
عايزين يكون في وحده .. مابين شعب السودان
عشان السودان فيها خير .. مش خالصه منهم
عايزين يخوشو ياخده .. ويحطو في كرشهم
وطنا يا ناس مهدد .. من ابن اللي اسمه ايه
عايزينا نمضي ونبصم .. ونتنازل عليه
انا واحد م الأفارقه .. وعربي وابن مصر
سلامنا عاوز مشاركه .. عشان نعيش في نصر
لا يوجد تعليقات حالياً