صوره – عبدالحليم حافظ
صوره (وطني)
صورة صورة صورة كلنا كدا عايزين صورة
صورة صورة صورة تحت الراية المنصورة
صورة للشعب الفرحان تحت الراية المنصورة
يا زمان صورنا صورنا يا زمان
هنقرب من بعض كمان واللي هيبعد فى الميدان
عمره ما هيبان فى الصورة
خضرة وماية وشمس عفية وقبة سما زرقا مصفية
ونسايم سلم وحرية ومعالم فن ومدنية
ومداين صاحية الفجرية علي أشرف ندهة واذان
دي بلدنا
دي بلدنا مصر العربية صورة .....صورة
صورة منورها الامام
علي مدد الشوف مدنه ومدنه دي لصلاتنا ودي لجهادنا
مدخنة قايدة قلوب حسّادنا تحتها صلب كأنه عنادنا
وقدّامه من اغلى اولادنا عامل ومهندس عرقان
شّبان والشبان فى بلدنا فى الصورة فى اهم مكان
صوّر يا زمان صوّر يا زمان
كلنا هنا فى الصورة زمايل نوفي اللي ميثاقنا عليه قايل
من اصغر طفله بجدايل علي زرع ودرس بتتمايل
للفلاح ابو خير وجمايل للواعظ الحافظ القرأن
للجندي الاسد اللي شايل علي كتفه درع الاوطان
وبعيد عن العين لكن فى الصورة اوضح ناس
ناس تحت حر الجبال والقلب كله حماس
بتفجر الرمل انهار من ذهب أسود
وناس بتكسيه بخضره وكل لون له ناس
واساتذه وعلما ومعامل ودكاتره من الشعب العامل
ورجال سكر علي مكاتبها تخدم بالروح لما تعامل
فى الصوره مفهاش الخامل والهامل واجبه نعسان
مفهاش الا الثوري الكامل المصري العربي الانسان
صور يا زمان صور يا زمان
حلوين قوي كده وحياه ربي يا حبايبي بقولها من قلبي
ثورتنا صورتنا وماحلاها فى اطار التنظيم الشعبي
ناصر واحنا كلنا حواليه ناصر وعيونا الدنيا عليه ناصر
ناصر ناصر والنصر بيسعي اليه والشعب دليله وإلهامه
قربوا من فكره واحلامه ياللي عليكم كل كلامه
ناصر ناصر ناصر
فى الصوره طالقكم قدامه قلتم ايه ناصر ناصر
قيادات شعبيه قلتم ايه؟
قلنا يا زعمنا قلوبنا اهي ايامنا اهي ليالينا اهي
فى يوم الدم... وهبنا الدم.. حاربنا بالليالي ليه؟
والصوره اكتملت بالرواد مع ناصر وايدهم فى ايديه
الشعب وطنه... وزمنه وعمله... وامله بطله.... ابو الشجعان
صور يا زمان يا زمان صور يا زمان
لا يوجد تعليقات حالياً