صلاح جاهين
كل اللي في الخمّارة صابهم جنون – صلاح جاهين
كل اللي في الخمّارة صابهم جنون صبحوا الرجال يتبادلوا كاس المنون وبْدمّ ونبيت انكتب ع الجدار ” يا ميت ندامة ع اللي قلبه حنون “ عجبي
كان فيه زمان سِحليَّة طول فَرْسَخين – صلاح جاهين
كان فيه زمان سِحليَّة طول فَرْسَخين كهفين عيونها وخَشْمَها بَرْبخين ماتت .. لكين الرعب لم عمره مات مع إنه فات بدل التاريخ تاريخين عجبي
غَدْر الزمان يا قلبي ما لهوش أمان – صلاح جاهين
غَدْر الزمان يا قلبي ما لهوش أمان وحاييجي يوم تحتاج لحبَة إيمان قلبي ارتجف وسأَلني .. أَأَمِن بإيه ؟ أَأَمن بإيه محتار بقالي زمان عجبي
نظرت في الملكوت كتير وانشغلت – صلاح جاهين
نظرت في الملكوت كتير وانشغلت وبكل كلمةْ ( ليه ؟ ) و ( عشانيه ) سألت اسأَل سؤال .. الرد يرجع سؤال واخرج وحيرتي أشد مما دخلت عجبي
وأنا في الضلام من غير شعاع يهتكه – صلاح جاهين
وأنا في الضلام .. من غير شعاع يهتكه أَقف مكاني بخوف ولا أتركه ولما بيجي النور وأشوف الدروب أحتار زيادة .. أيهم أَسلكه ؟ عجبي
سنوات وفايته عليّا فوج بعد فوج – صلاح جاهين
سنوات وفايته عليّا فوج بعد فوج واحدة خَدِتني إبن والتانية زوج والتالتة أَب خدتني والرابعة إيه إيه يعمل إللي بيحْدفُه موج لموج ؟ عجبي
عجبي عليك عجبي عليك يا زمن – صلاح جاهين
عجبي عليك .. عجبي عليك يا زمن يا بو البِدَع يا مبكِّي عيني دَماً إزاي أنا أختار لروحي طريق وأنا اللي داخل في الحياة مرغماً عجبي
مرغم عليك يا صُبح مغصوب يا ليل – صلاح جاهين
مرغم عليك يا صُبح مغصوب يا ليل لادخلتها برِجْليَّا ولا كانلي ميل شايلنِّي شيل دخلت انا في الحياة وبكره ح اخرج منها شايلِّني شيل عجبي
عناوين جرانين المستقبل – صلاح جاهين
احـنا العـمال اللى انقـتلوا قـدام المصنع فى ابو زعبل بنـغـنى للدنـيـا ونـتـلو عناوين جرانـين المستـقبل: “وحـدة صـف الأحـرار” “جـبـهـة لكـل الثـوار” “عـبور الجـيـش لسـينا” “الـزحف مـن الأغـوار” “جـيش العـدوان يتقـهقر” “الأرض قــايـدة نــار” “والبـحر قـايـد نــار” “الاستـعمار أثـبت فشـله” “البـيت الأبيض لا...
الدرس انتهى – صلاح جاهين
الدرس انتهى لموا الكراريس بالدم اللى على ورقهم سـال فى قصـر الأمم المتــحدة مسـابقة لرسـوم الأطـفال ايه رأيك فى البقع الحمـرا يا ضمير العالم يا عزيزى دى لطفـلة مصرية وسمرا كانت من أشـطر تلاميذى دمها راسم زهرة راسم رايـة ثورة راسم وجه...
أنا كان لي أب و كان رئيس محكمه – صلاح جاهين
أنا كان لي أب . و كان رئيس محكـــمه ستين سنة .. في قضية واحدة أترمي ستين سنة و طلع براءة و خــــــــرج يشكي الحياة و الموت لرب السمـــــا عجبي
قالوا ابن آدم روح و بدنه كفن – صلاح جاهين
قالوا ابن آدم روح و بدنه كفـــــــــــن قالوا لأ بدن . قالوا لأ ده روح في بدن رفرف فؤادي مع الرايات في الهــــــوا أنا قلت لأ روح في بدن في وطــــــــن عجبي
علم اللوع اضخم كتاب في الأرض – صلاح جاهين
علم اللوع اضخم كتـــــــــاب في الأرض بس اللي يغلط فيه يجيـــــــــبــه الأرض أما الصراحة فأمرها ســـــــــــــــــاهل لكن لا تجلب المال و لا تصون العرض عجبي
يومي على الله تنتهي و تغيب – صلاح جاهين
يومي على الله تنتهي و تغيــــب الشمس و تعود تاني يوم لهاليب زي الحياة مأساه و من كترهــــا بقي لا انتهاءها و ابتداءها عجيب عجبي
عبثا باقول واقرا في سورة عبس – صلاح جاهين
عبثا باقول واقرا في سورة عبس ماتلومش حد إن ابتسم أو عبس فيه ناس تقول الهزل يطلع جــــد و ناس تقول الجد يطلع عبـــــث عجبي
هات يا زمان و هات كمان يا زمان – صلاح جاهين
هات يا زمان و هات كمان يا زمان غير بسمة الشجعان مامني يــــبان هو اللي داق الفرحة يوم ثورتـــــه يقدر يعود و لا ثانية للأحــــــزان ؟ عجبي
فوق تحت ورا قدام يمين شمال – صلاح جاهين
فوق تحت . ورا قدام . يمين شمـــال في الجو . تحت الميه . أو في الرمال طلب الكمال يحرم علي الممـــــــــكن و الممكنات دول محرومين م الكمال عجبي
سلام سلام سلام سلام سلام – صلاح جاهين
سلام سلام سلام سلام … سلام كلام كلام كلام كلام … كلام هز الورق يا صاحبي كدهــــوه يطلع كلام سلام .. و سلام كلام عجبي
