سود الليالي فرقت كل غالي

لا تامن الدنيا ترى الوقت غدار ..

وقتٍ مضالي ذقت مرٍ وحالي

واليوم ياربعي تجرعت الامرار

هاذي سواياها من اول وتالي

مالوم قلبي حرقه صالي النار ..

من زود ماجاني برى الهم حالي

ياليت لي قلبٍ على الغبن صبار

بكيت من فرقى حسين الدلالي

يومه يعاهدني على كتم الاسرار ..

ياربع انا خايف يدور بدالي

ويشمت العدوان وتشيع الاخبار

ماريد انا غيره وهو راس مالي

ماخون عهده لو رماني بالاخطار ..

نسيت يالمضنون ذيك الليالي

وابديت لي صدك و طاوعت الاشرار

الي حكالك يالغضي قد حكالي

وده يفرقنا وماقد بغاه صار ..

حرمت لذ النوم ياعزتالي

واكن عبراتي إلا يسمع الجار

لو جرب الي من عذابه جرالي

ما اظن يرضالي وليفي بالاخطار ..