سلام يا دفعة من ابوك وامك واخوك
واختك وخالك
سلام يا دفعة وسلام جايلك خصوصي
جايلك من عمامك
من صحابك من حبابيك
من قرايبك من جيرانك

بيقولوك شد حيلك ربنا ديماً يعينك
واعرف ان بلدنا غالية
واعرف انها محتجالك

كل شبر في أرض مصر امانة يا ابني بين ايديك
اوعى تغفل عن سلاحك واحضنه وفتح عينيك

خلي عينك وسط راسك وافتكر اهلك وناسك
خلي عينك وسط راسك وافتكر اهلك وناسك

وامك اللي قايمة نايمة بتدعي ليك

وافتكر ان العدو ديما جبان
وان جيشك ده واجبك امتحان
واوعى تنسى في يوم صلاتك
اوعبادتك طول حياتك
ربنا بينصر عباده بالايمان

خد بتار كل اللي ماتوا عشان نعيش
عرف الناس يعني ايه واجب وجيش
رد حق الأمهات والأرامل والبنات
الحياة من غير كرامة ماتساويش

واما ترجع يلا بقا نكتب كتابك
ربنا يحميك ويحرسلك شبابك
العروسة مستنياك واقفة للأخر معاك
يلاعقبال يا ابني بقا مانشوف ولادك