سالمه يا سلامه – الشيخ امام
بانوراما الدنيا فونية صندوق الدنيا عصري
الصورة من أميركا والصوت من جوا مصري
لو تفهم كل قصدي أوهب لك نص قصري
و اكتب لك الوصية على جناح الحمام
و اتفرج يا سلام لم واتفرج يا سلام
شوف عندك يا سلام لم واتفرج يا سلام
هزلية مسرحية على تياترو السلام
سلام كلام أغاني وعليكم السلام
ما عاد على الغلابة عايد غير الكلام
و الحالة كل مادا يا سادة يا كرام
واتفرج يا سلام لم واتفرج يا سلام
سالمه يا سلامه و داليدا رجعت بسلامة
سالمه يا سلامه اه يا سلمى يا سلامة
مصرية و من مواليد شبرا من تحت نفقها ومجاريها
لو كانوا ما حرقوش الاوبرا كانت حتصهلل لياليها
بالغنوة المدهونة شفايف غرقانة وسايحة ببلاويها
سيد درويش اللي حيلتنا سرقوه و باعوه بيعة ندامة
سالمه يا سلامه وداليدا رجعت بسلامة
سالمه يا سلامه اه يا سلمى يا سلامة
سالمه يا سلامه كوكا كولا جات بالسلامة
نشروا الاعلان ملو الجرنان جوا البراويز الدهبية
والتلفزيون بالصوت واللون كوكا كولا هي الاصلية
اشرب يا خفيف بطّل تخاريف
بلا طيز الطور بلا وطنية
كوكا كولا تفوق و تروق ضد الافكار الهدامة
سالمه يا سلامه طيري بينا ورفرفي يا حمامة
سالمه يا سلامه على مصر التانية أم علامة
ولادة وحبلى وبكرية غصبا عن عين اللي باعوها
لا تغير لونها ولا أوانها ولا تنسى لسانها ،وضربوها
دي حبال مواويل من فيض النيل وتسلي ولادها يغنوها
تزرع غناويها بحواريها على نغمة بكرا البسامة
يا سالمه يا سلامه تولد وتقوم بالسلامة
لا يوجد تعليقات حالياً