راجع م السفر – ليلى مراد
وقالولي راجع م السفر .. وقالولي راجع
حسيت بإن الليل مشي .. والفجر طالع
ولقيت بشايرك هلت عليه
والدنيا ضحكت قدام عنيه
ياللي انت راجع م السفر ..
وصيت عليك النسمه .. تحضن خطوتك
والورد يفرش لك عبيره بسكتك
والشمس ما تحماشي .. وانت بطريقك ماشي
زي الربيع .. بتصحي أملي بضحكتك
ياللي انت راجع م السفر ..
يا ألف اهلاً بيك وسهلاً .. يا حياتي
يا عمر قلبي وكل حبي .. وذكرياتي
دنا من زمان وانا في انتظارك .. بالاغاني
ولما تقابلنا انكتبلي عمر تاني
وعرفت اغني غنوتي .. ونسيت اهاتي
ياللي انت راجع م السفر ..
لا يوجد تعليقات حالياً